පාසල් මට්ටමින් මාර්ග ආරක්ෂණ සංසඳ (Road Safety Club) නිල වශයෙන් ක්‍රියාත්මක කිරීම පිළිබඳ සාකච්ඡාවක් 2024.03.18 දින ප්‍රවාහන රාජ්‍ය අමාත්‍ය ලසන්ත අලගියවන්න මැතිතුමාගේ ප්‍රධානත්වයෙන් පවත්වන ලදී.
පොත් 04 කින් යුත් මාර්ගෝපදේශයන්හි සංශෝධනය විය යුතු ස්ථාන ඇත්නම් ඒ පිළිබඳව,මාර්ගෝපදේශ පොත් මුද්‍රණය කිරීම සම්බන්ධව පදක්කම් හා සහතිකපත් සකස් කිරීම සම්බන්ධව,දැනුවත් කිරීම් හා පුහුණු වැඩසටහන් පැවැත්වීම සම්බන්ධව,නිල වශයෙන් ක්‍රියාත්මක කිරීමේ උත්සවයක් පැවැත්වීම සම්බන්ධව,පාසල් මාර්ග ආරක්ෂණ සංසද වැඩසටහන අප්‍රේල් මස පළමු සතියේ සිට දීප ව්‍යාප්තව පාසල් තුළ ආරම්භ කිරීමට යන කරුණු එහිදි සාකච්ඡාවට භාජනය විය.මාර්ග ආරක්ෂාව පිළිබඳ ජාතික සභාවේ සභාපති විශ්‍රාමික පොලිස් අධිකාරි අජිත් ගුණරත්න මහතා ඇතුළු මේ හා සම්බන්ධ අධ්‍යාපන අමාත්‍යංශ නිලධාරින්,ප්‍රවාහන අමාත්‍යාංශ නිලධාරින් හා මාර්ග ආරක්ෂාව පිළිබඳ ජාතික සභාවේ නිලධාරින්ද මිට සහභාගි විය.