දැක්ම
සැමට සුරක්ෂිත මාර්ග පද්ධතියක්
මෙහෙවර
තිරසාර සංවර්ධනය උදෙසා මාර්ග අනතුරු වලින් තොර සමාජයක් බිහිකිරීම.
මාර්ග ආරක්ෂාව පිළිබඳ ජාතික සභාව 1998 අංක 5 දරන මෝටර් වාහන (සංශෝධන) පනතේ 213 (අ) වගන්තිය සහ 213 (ආ) වන වගන්ති මගින් ස්ථාපිත කර ඇත. ඒ අනුව මාර්ග ආරක්ෂාව පිළිබඳ ජාතික සභාව ප්‍රවාහන විෂයභාර අමාත්‍යවරයා විසින් පත් කරනු ලබන සභාපතිවරයෙකු ඇතුළුව රාජ්‍ය ආයතන 16 ක සහ රාජ්‍ය නොවන ආයතනයක නියෝජිතයෙකු ඇතුළු නියෝජිතයින් 17කින් සමන්විත ආයතනයකි.
|
|
|
|
|
|
|
|
|
|
|
|
|
|
|
|
|
මාර්ග ආරක්ෂාව පිලිබඳ ජාතික සභාවේ ක්‍රියාකාරිත්වය සඳහා මාර්ග ආරක්ෂණ අරමුදල අදාල පනත මගින් ස්ථාපිත කර ඇති අතර එම අරමුදල පෝෂණය වන්නේ ශ්‍රී ලංකාව තුල රක්ෂණ නියාමන කොමිෂන් සභාව මගින් නියාමනය වන රක්ෂණ ආයතනයක් රථවාහන රක්ෂණය කිරීමේදී එහි තුන් වන පාර්ශවීය රක්ෂණ දායකත්වයෙන් 2%ක් වූ ප්‍රදානයකින් වේ.
මාර්ග ආරක්ෂාව පිළිබඳ ජාතික සභාවේ කර්තව්‍යයන් 2005.01.01 දින අති විශේෂ ගැසට් පත්‍රයෙන් 1998 අංක 5 දරන මෝටර් වාහන පනතට ගෙන එන ලද සංශෝධනයේ දක්වා ඇත. ඒවා පහත දක්වා ඇත.
- මාර්ග අනතුරු සිදු කර නොනවත්වා පලා යන වාහන හඳුනාගත නොහැකි බව තහවුරු කර ගැනීමෙන් අනතුරුව එම වාහන අනතුරු වලට ගොදුරු ව මිය ගිය හෝ අබාධිත තත්වයට පත් පුද්ගලයන්ට සභාව මගින් අනුමැතිය ලබා දී ඇති ආකාරයට මූල්‍ය සහන ප්‍රදානය කිරීම.
- රථ වාහන ප්‍රමාණය සහ ඒවායේ ලක්ෂණ සහ සංයුතිය, මාර්ග අනතුරු, මාර්ග ආරක්ෂාව පිළිබඳ දේශීය සහ ජාත්‍යන්තර සංඛ්‍යා ලේඛන, පිළිබඳ පරිගණක දත්ත ගබඩාවක් පවත්වාගෙන යාම
- මාර්ග ආරක්ෂාව විෂය පිළිබඳ පුස්තකාලයක් පවත්වාගෙන යාම;
- සම්බන්ධිත විෂයයන් පිළිබඳව තොරතුරු රැස් කිරීම, පර්යේෂණ පැවැත්වීම සහ ක්ෂේත්‍ර පරීක්ෂණ පැවැත්වීම
- සම්බන්ධිත විෂයයන් පිළිබඳ පර්යේෂණ වලට ආධාර කිරීම
- සමාන ජාත්‍යන්තර ආයතන සමඟ සබඳතා පැවැත්වීම සහ පළපුරුදු පිළිබඳ දැනුම හුවමාරු කර ගැනීම
- මාර්ග ආරක්ෂාව සහ සම්බන්ධිත විෂයානුබද්ධ ව්‍යාපෘති කෙරෙහි වගකීම දරන රාජ්‍ය සහ රාජ්‍ය නොවන අදාළ ආයතන වලට දැනුම සහ තොරතුරු ලබා දීම:
- මාර්ග ආරක්ෂාව පිළිබඳ ව්‍යාපෘති සකස් කිරීම සහ ක්‍රියාවට නැඟීම
- රාජ්‍ය සහ රාජ්‍ය නොවන සංවිධාන තුළ මාර්ග ආරක්ෂාව හා සම්බන්ධිත කාර්යය සම්බන්ධීකරණය කිරීම:
- මාර්ග ආරක්ෂාව පිළිබඳ කටයුතු සඳහා මුල්‍යමය හා වෙනත් සහාය ලබා ගැනීම
- මාර්ග ආරක්ෂාව හා සම්බන්ධිත ප්‍රතිපත්තීන් සහ ව්‍යාපෘති පිළිබඳව රජයට උපදෙස් දීම
ඉහත දක්වා ඇති කර්තව්‍යයන් සිදු කිරීම සඳහා මෙම අරමුදලෙහි තැම්පත් වන මුදල් ප්‍රයෝජනයට ගැනීම සිදු කරනු ලබයි.