- இருக்குமிடம்:
-
முகப்பு
- நிகழ்ச்சித்திட்டங்கள்
ගරු ප්‍රවාහන රාජ්‍ය අමාත්‍ය ලසන්ත අලගියවන්න මැතිතුමා ගේ උපදේශකත්වයෙන් පූර්ණ ශ්‍රවණාබාධිත පුද්ගලයන් හට සැහැල්ලු වාහන රියදුරු බලපත්‍රය ලබා දීමේ නියමු ව්‍යාපෘතිය ගම්පහ දිස්ත්රික්කයෙන් ආරම්භ කර ඇත.
ඒ අනුව ශ්‍රවණාබාධිත සැහැල්ලු වහන රියදුරු බලපත්‍ර ලාභීන්ව මාර්ග නීතිය, මාර්ග සංඥා හා සලකුණු, මාර්ග ආරක්ෂාව පිළිබඳව දැනුවත් කිරීමේ වැඩමුළුවක් 2022.11.06 වන දින ගම්පහ දිස්ත්‍රික් ලේකම් කාර්යාල ශ්‍රවණාගාරයේ දී මෝටර් රථ ප්‍රවාහන දෙපාර්තමේන්තුවේ නිලධාරීන්ගේ සහ මාර්ග ආරක්ෂාව පිළිබඳ ජාතික සභාවේ නිලධාරීන්ගේ සහභාගීත්වයෙන් පවත්වන ලදී.
මින් අනතුරුව ශ්‍රවනාබාධිත පුද්ගලයින් හට විශේෂ පරික්ෂණයක් පවත්වා රියදුරු පුහුණු බලපත්‍ර ( L Permit ) ලබාදීම 2022.11.16 දින ගරු ප්‍රවාහන රාජ්‍ය අමාත්‍ය ලසන්ත අලගියවන්න මැතිතුමාගේ ප්‍රධානත්වයෙන් ගම්පහ දිස්ත්‍රික් ලේකම් කාර්යාලයේදී සිදුවිය.
ගම්පහ දිස්ත්රික්කයෙන් නියමු ව්‍යාපෘතියක් ලෙස ආරම්භ කරන ලද මෙම වැඩසටහන ඉදිරියේදී මුලු දිවයිනම ආවරණය වන පරිදි සිදු කිරීමට නියමිතය.
